بير آز سرتله‏شميشم

بير آز سرتله‏شميشم ايندي ايچيمدن،

داها آغلاميرام، داها گولمورم،

سانكي دويغولاريم چيخيب بيچيم‏دن،

منه نه اولوبدور؟- بونو بيلميرم.

كؤنلومون آلووو اوغلان چاغيندا،

هارداسا چووغونا دوشوب، سؤنوبدور،

حسرتين، كدرين قاف داغلاريندا،

طيلسيمي بيلمه‏ييب داشا دؤنوبدور.

بو دونيا يئتردي قاناد آچماغا،

او نه چوخ گئنيشدي، نه ده كي داردي،

ايچيمده آغلايان كؤورك اوشاغا،

بير يالان وعده‏يه آخي نه واردي؟!

بير آز سرتله‏شميشم ايندي سوسورام،

يالانا، سيتمه قيزماغيم يوخدور،

وظيفه گزيرم، مقام پوسورام،

قولاغيم دولودور، گؤزلريم توخدور.



  • [ 1 ]